以前出到街見到人用iPhone都沒有什麼特別去望, 近期用的眼光已經在Android OS和iOS的比較, 你又喜歡用哪一個? 老實說: 市場佔有率係iPhone較多, 什麼iPhone Killer都係針對性的比較, 個人喜好和價錢才是最終決定. 你會問我喜歡用什麼電話, 我會跟你說Nokia+iPhone, 為什麼唔用一部iPhone呢? 我個人要求就是這樣, 永遠都有後備的態度. 例如: 有一天出街時你發現忘了充電, 你只好硬頭皮唔用電話一天? 你可以嗎? 又或者在街上被人碰壞了手機, 你又會怎樣? 當然就是去apple換過一部, 再或者馬上去買部機代替.
如果可以做到的話, 我目標係每個電話系統的手機都備一部在手, 在多方面的使用下才找到一部合你心水的. 暫時性Nokia已經非常符合我手機的使用, 不過另一部iPhone 3GS係我後備, 和作多方面的使用, 應付其他iPhone使用者, Android的就暫時未作任何研究過. 現在用iPhone已經不是什麼形不形的問題, 反見你只用一部普普通通的手機來得出眾.(尤其是你可找來龜仔手機)
新的兔年又開始左, 大家有沒有定今年什麼計劃呀? 當然好多時都不一定可實踐, 不過有計劃點都好比沒有的好的. 今天第一天上班便有新的頂班工作, 暫時維期一個月, 講明頂更就係做多一份, 手頭上的會繼續, 只是幫手睇多份, 工作也不是什麼麻煩... 只係照顧下老闆的日常活動.
多年來我一直都係為這個為那個做事, 過年前也自己定了今年要做到的工作和目標, 希望將工作變得有條理性, 系統性和統一性. 同時, 也要自己在報告上多花功夫, 不想只有空想的說話, 因為講就人人都懂, 所以日後可以做到預見的處事方式, 即興的問題也可同時解決: 就如今天同事的電腦中所有USB用不到, 最後原來就係平野內置card reader所致, 砌機就係砌機, 尤其是要做到內置card reader的真係廠機的好. 事因自己加的內置card reader真的不耐用, 下下就話壞... 真麻煩!!!
想了一兩天都係想怎樣用retail price $4988來買部iPhone4 16GB, 我的計算就是這樣:
現時月費: $128 + 18 + 12 = $158 (直至2011/12有$58 REBATE)
更改月費: $248 + 36 + 12 = $296 (簽2年合同)
所以多付: $196 x 11 + $138 x 13 = $3950
上台機價: $980 ($4480 - $3500 REBATE)
大家只要將多付費用加機價, 就會得出這部iPhone4的實際價錢$4930, 哈哈!!! 比Retail price平一點, 又或者可以說用到retail price來買部iPhone4 16GB手機, 對嗎?
這個12月份都係走來走去的日子, 早前先取了5天假期跑了去大陸. 回來後就安排去山東工廠了解事情, 未到步之前都係說山東非常凍, 好彩地開始回暖(即是沒有零下的意思). 這裡天氣一般, 只是早晚有點冷, 其實也跟香港凍的幾天差不多, 總之就係比預期暖, 外出也不用穿2條褲子, 哈哈!!! 天氣怎樣好? 看以下相片吧.
今天去了看動畫版清明上河圖, 有什麼特別? 就係非常細節的用電腦動畫表示出來. 當中最多人又或者大部份同學最想看到的一個shot: 小朋友追小豬... 真係好多好多人停在橋位看好多好多次. 另外, 又話不可以用閃光燈, 都唔知裡面場面時常閃到七彩, 可能跟本就控制唔到. 我自己都係比較喜歡晚上的制作, 當然早上也是有很多漂亮的地方, 尤其是河上的船隻, 好細節的.
一個簡單R&D支援, 和IT技術支援... 在這裡就是一個難題, 因為工作中要好好控制自己EQ, 尤其是對住一開口就話以前不是這樣, 所以我當然再三提醒以前做法也並不是最好或最實際的. 我知道一下就將一些慣性改過來是一件難事, 不過當你對住一些冷冷的回應, 好像很明白但又不懂的用家, 真係激死. 有時最關鍵就是唔明又唔問, 唔記得又唔寫低, 想了解多些又話唔知唔記得, 算!!! 我又不會同你斤斤計較, 只不過就係所謂阿姐的又時常將少事化大, 換一個keyboard都多多意見.
老實講, 以前的人唔同你計劃的, 不一定代表現在!! 因為我時常都會作出幾手準備, 專為一些特發事件或未來預計的損耗作準備... 近期就是開始要預備LCD在手, 事因貨場的舊LCD應該都會壞了, 壞左的就去換新的, 不要再在公司同事取些舊的來更換, 反而公司同事又走去換些不實際的LCD, 真係千奇百怪!!! 以前做事真的不統一性, 眼光又放得近! 其實好多野都可以取到平衡, 不要每事件都係向錢看! 例如: 廠機好, 還是砌機好? 砌機係平些, 不過都要看看你實際要求, 要耐用還是下下壞呢? 最慘係下下用intel底板砌機就是最好嗎??? 我又唔覺得有特別優勝之處, 就如早前好多問題的CDRW, 真令人頭痛! 改用memory card仲死, 個internal reader又唔stable, 時常都讀唔到張卡, 好心用SD就好啦! 不知什麼原因用microSD, 又易插錯位, 張卡又細, reader一多塵就讀唔到...自我起, 要用memory card的就係SD, 勢之所趨.
前2天我又去學人買禮物給自己, 不過今次用了$2000購入一支18-105mm的大路鏡, 方便日後取部DSLR去玩玩. 早前跟body送來的18-55mm真的未夠, 勝在夠輕. 現在拿來18-105mm就是我最大路的用途, 別人一定說: 你會慢慢又再購入其他鏡頭的, 希望我忍住手啦!!!
要將一件事情做得完美, 之前一定要思考得很細節小心. 當然還要有充分數據分析/經驗, 去評估一些將會發生又或者預計之內的反應處理方案. 其實真的很難評估的, 世間上就是什麼都有可能發生的, 我不是神呀, 並不是百分百保証到, 當然我可做的會先行預算出來, 盡量可以用最快或最合適的資源辦事. 我最怕什麼, 就是往往聽到舊時不是這樣, 下下就覺得我在玩弄權力, 以前簡單說一聲便處理, 今時今日就要了解問題所在, 才去處理或定出日後方案.
每天就是這樣四處觀察公司所有的運作細節, 並慢慢去調整或修正, 目的就是好簡單: 就係想將事件做好, 和避免日後事情再發生. 老實講, 通常一次係無用的, 要不停地說, 不停地教導才有機會將別人的慣性改過來... 好不容易! 尤其是很多不求學習, 只要個人成果的, 她們真的要向老闆學習, 因為老闆求知慾很強, 往往令人吃不消.
好耐都沒有更新這blog了, 自7月開始就重整公司的所有IT東西, 包括網路或硬件或軟件. 基本上電腦技術就是靠這3重點來維持, 你強項又是哪一項? 不過我可以大膽看, 只要有好的遠觀, 你的電腦自然長命百歲. 哈哈, 現在用家不是壞機才要換電腦, 下下慢少少就話部機唔得, 一兩年貨式就想換. 老實講, 買什麼電腦真的好看用家做什麼, 公司好多users只不過係收電郵, 打文件, 上上網, 要求又唔係高, 何必又同iMac比呢!!!
雖然今時今日係multi-task的年代, 不過都要看看你自己用緊什麼系統, 一大班XP用家, 下下只更新硬件和其他軟件都沒有幫助啦, XP都開始退役, 用上幾年的XP就是更差, windows就是一個會越用越慢的系統, 除非係一個好的user就可以避免到這麼快變質, 表面上電腦是很容易用, 可是當中怎樣才真正用電腦的學問就是很深厚. 每天回來用電腦打機上網的users, 不要向我說電腦慢, 公司不是買電腦給你打機看youtube的!!!
暫時我對電腦壽命的cycle係... 最少5年, 大家好自為之.
