Saturday, November 27, 2010

新的清明上河圖就是靠動畫

今天去了看動畫版清明上河圖, 有什麼特別? 就係非常細節的用電腦動畫表示出來. 當中最多人又或者大部份同學最想看到的一個shot: 小朋友追小豬... 真係好多好多人停在橋位看好多好多次. 另外, 又話不可以用閃光燈, 都唔知裡面場面時常閃到七彩, 可能跟本就控制唔到. 我自己都係比較喜歡晚上的制作, 當然早上也是有很多漂亮的地方, 尤其是河上的船隻, 好細節的.







Wednesday, November 24, 2010

新的鏡頭希望就係支百搭鏡

早前買了支粗粗地的18-105mm, 用上手真係同支18-55mm有分別, 最少就係重了!!! 隨意地影了幾下.

Tuesday, November 23, 2010

新的支援並不是想像中簡單

一個簡單R&D支援, 和IT技術支援... 在這裡就是一個難題, 因為工作中要好好控制自己EQ, 尤其是對住一開口就話以前不是這樣, 所以我當然再三提醒以前做法也並不是最好或最實際的. 我知道一下就將一些慣性改過來是一件難事, 不過當你對住一些冷冷的回應, 好像很明白但又不懂的用家, 真係激死. 有時最關鍵就是唔明又唔問, 唔記得又唔寫低, 想了解多些又話唔知唔記得, 算!!! 我又不會同你斤斤計較, 只不過就係所謂阿姐的又時常將少事化大, 換一個keyboard都多多意見.

老實講, 以前的人唔同你計劃的, 不一定代表現在!! 因為我時常都會作出幾手準備, 專為一些特發事件或未來預計的損耗作準備... 近期就是開始要預備LCD在手, 事因貨場的舊LCD應該都會壞了, 壞左的就去換新的, 不要再在公司同事取些舊的來更換, 反而公司同事又走去換些不實際的LCD, 真係千奇百怪!!! 以前做事真的不統一性, 眼光又放得近! 其實好多野都可以取到平衡, 不要每事件都係向錢看! 例如: 廠機好, 還是砌機好? 砌機係平些, 不過都要看看你實際要求, 要耐用還是下下壞呢? 最慘係下下用intel底板砌機就是最好嗎??? 我又唔覺得有特別優勝之處, 就如早前好多問題的CDRW, 真令人頭痛! 改用memory card仲死, 個internal reader又唔stable, 時常都讀唔到張卡, 好心用SD就好啦! 不知什麼原因用microSD, 又易插錯位, 張卡又細, reader一多塵就讀唔到...自我起, 要用memory card的就係SD, 勢之所趨.

Tuesday, November 16, 2010

新的玩意就是再次測試東西

前2天我又去學人買禮物給自己, 不過今次用了$2000購入一支18-105mm的大路鏡, 方便日後取部DSLR去玩玩. 早前跟body送來的18-55mm真的未夠, 勝在夠輕. 現在拿來18-105mm就是我最大路的用途, 別人一定說: 你會慢慢又再購入其他鏡頭的, 希望我忍住手啦!!!

Monday, November 15, 2010

新的管理思維就是將眼放遠

要將一件事情做得完美, 之前一定要思考得很細節小心. 當然還要有充分數據分析/經驗, 去評估一些將會發生又或者預計之內的反應處理方案. 其實真的很難評估的, 世間上就是什麼都有可能發生的, 我不是神呀, 並不是百分百保証到, 當然我可做的會先行預算出來, 盡量可以用最快或最合適的資源辦事. 我最怕什麼, 就是往往聽到舊時不是這樣, 下下就覺得我在玩弄權力, 以前簡單說一聲便處理, 今時今日就要了解問題所在, 才去處理或定出日後方案.

每天就是這樣四處觀察公司所有的運作細節, 並慢慢去調整或修正, 目的就是好簡單: 就係想將事件做好, 和避免日後事情再發生. 老實講, 通常一次係無用的, 要不停地說, 不停地教導才有機會將別人的慣性改過來... 好不容易! 尤其是很多不求學習, 只要個人成果的, 她們真的要向老闆學習, 因為老闆求知慾很強, 往往令人吃不消.